(No Ratings Yet)
Loading ...ये रे ये रे पावसा
तुला देतो पैसा
पैसा झाला खोटा
पाऊस आला मोठा
पाऊस पडला झिम झिम
पाऊस पडतो मुसळधार
अंगण झालं ओलं चिंब
रान होईल हिरवंगार
(No Ratings Yet) Loading ...तुरा नाचवित डोक्यावरती
ऐट मिरवितो भारी
लाल, काळसर, शुभ्र पांढरा
चाल जरासी न्यारी
पहाटचा हा आरवताना
उठती सारे लोक
कुकुच कू ची ओरड करतो
हाच कोबडा एक
(No Ratings Yet) Loading ...पोपटरावाने घेतली
जागा मोठी झकास
तिथे त्यांनी चालविला
एस्. एस्. सीचा क्लास
पोपटराव शिकवितो
संस्कृत आणि मराठी
बगळ्याची हिंदीची
तयारी भली मोठी
सोशल स्टडीजवर
कावळ्याची खूप सत्ता
सायन्स विषय तर
साळुंकीचा आवडता
कोंबडीचा इंग्रजीचा
अभ्यास आहे पक्का
घारीचे गणित म्हणजे
हुकुमाचा एक्का
मोजून एक लाख
पशुपक्षी मंडळी
सगळ्या केंद्रातून
परीक्षेला बसली.
निकालाच्या दिवशी
अशी गंमत झाली
पोपटक्लासची मैना
लाखात पहिली आली
(No Ratings Yet) Loading ...आपडी थापडी
गुळाची पापडी
धम्मक लाडू
तेल काढू !
तेलंगीचे एकच पान
दोन हाती धरले कान !
चाउ माउ चाउ माउ !
पितळीतले पाणी पिऊ
हंडा पाणी गडप !
गुळाची पापडी हडप !
(No Ratings Yet) Loading ...आजी म्हणते, ’विठुराजा’
गावात झाल्या तिन्सांजा
आजी म्हणते, ’हरी हरी’
लामणदिवे घरी घरी
आजी म्हणते, ’रख्माराणी’
घमघमली रे धूपदाणी
आजी लावते मागिलदार
दिव्या दिव्या दीपोत्कार